Xildhibaan Beeniyay in Ciidamo Itoobiyaan Ah oo Aan AMISOM Ka Tirsaneyn La Geeyay Dhuusamareeb.

0
Saturday November 30, 2019 - 08:48:35 in Wararka by Wariye Qoslaaye
  • Visits: 56
  • (Rating 0.0/5 Stars) Total Votes: 0
  • 0 0
  • Share via Social Media

    Xildhibaan Beeniyay in Ciidamo Itoobiyaan Ah oo Aan AMISOM Ka Tirsaneyn La Geeyay Dhuusamareeb.

    Xildhibaan C/xakiin Macalin Axmed Maalin oo ah Xoghayaha Guud ee Xisbiga Himilo Qaran ayaa beeniyay in magaalada Dhuusamareeb ay soo gaareen Ciidamo Itoobiyaan ah oo aan ka tirsaneyn howlgalka AMISOM.

    Share on Twitter Share on facebook Share on Digg Share on Stumbleupon Share on Delicious Share on Google Plus

Xildhibaan C/xakiin Macalin Axmed Maalin oo ah Xoghayaha Guud ee Xisbiga Himilo Qaran ayaa beeniyay in magaalada Dhuusamareeb ay soo gaareen Ciidamo Itoobiyaan ah oo aan ka tirsaneyn howlgalka AMISOM.


Qoraal uu soo dhigay bartiisa Facebook ayaa si u muuqatay difaac iyo beenin uga hadlay wararka sheegaya in Ciidamo Itoobiyaan ah ay gaareen Dhuusamareeb, isagoo nasiib darro ku tilmaamay warka ka soo baxay Madasha Xisbiyada Qaran oo qeyb ka ah Xisbiga Himilo Qaran oo uu qeyb ka yahay.

"Waxaan rabaa inaan dadka Soomaaliyeed, gaar ahaan reer Galmudug la wadaago inaaney waxba ka jirin wararka lagu sheegay in Dhuusamareeb la geeyay Ciidama Itoobiyaan ah oo aan AMISOM ka tirsaneyn”ayuu yiri Xildhibaan C/xakiin Maalin.

Sidoo kale waxaa uu sheegay in Ciidamada Jabuuti iyo kuwa Itoobiya ay horay u joogeen Dhuusamareeb muddo aan ka yareyn saddex bilood, isagoo tilmaamay in Ciidamadaas ka wada tirsan yihiin AMISOM.

"Waxaa jira ciidamada Djibouti iyo kuwa Ethopia oo Dhuusamareeb ku sugnaa muddo aan ka yareyn sadax bilood, hayeeshee ciidamadaasi waxay ka wada tirsanyihiin AMISOM. Waana ay dhacdaa in ciidamadu ay sameeyaan dhaqdhaqaaq xagga kalabadalka ciidanka ama logisticada ah”ayuu hadalkiisa ku daray.

Hadalka Xildhibaan oo Muuqday difaac ku aadan Xukuumadda Soomaaliya oo guud ahaan la wareegtay doorashooyinka Galmudug ayaa hubsiimo xumo ku eedeeyay Madasha uu ka tirsan yahay.

"Waxaase nasiib darro ah in Madasha xisbiyada Qaran oo markii hore loo aasaasay in wax lagu saxo uu hadalkaan aan la hubsan ka soo baxo – Dhuusamareeb innaga ayaa ku sugan oo xog-ogaal u ah waxa ka jira,Mucaaradnimadu waa inaaney ka hor imaan danaha dadka aan matalno, waana in aan lahaanno aragti ka durugsan danaha gaarka ah ee siyaasiyiinta."

Xildhibaan C/xakiin Maalin ayaa muddooyinkii u dambeeyay ku sugnaa Dhuusamareeb oo ah deegaanka uu ka soo jeedo, waxaa Xildhibaanka uu qeyb ka ahaa xildhibaano dhowr ah oo wax ka dhisayay Musharax Madaxweynaha Galmudug Axmed Cabdi Kaariye Qoor Qoor oo ay Xukuumadda wadato.




Leave a comment

  Tip

  Tip

  Tip

  Tip

  Tip