Mareykanka oo War Kasoo Saaray Duqeyn Uu Ka Fuliyay Gobolka Jubbada Hoose.

0
Wednesday September 18, 2019 - 09:19:03 in Wararka by Wariye Qoslaaye
  • Visits: 48
  • (Rating 0.0/5 Stars) Total Votes: 0
  • 0 0
  • Share via Social Media

    Mareykanka oo War Kasoo Saaray Duqeyn Uu Ka Fuliyay Gobolka Jubbada Hoose.

    War-saxaafadeed ka soo baxay taliska Ciidamada Maraykanka ee qaarada Afrika ee loo yaqaano (AFRICOM) ayaa lagu faah faahiyey duqeyn dhinaca cirka ah oo uu Mareykanka ka fuliyey deegaan duleedka ka ah Magalada Kismaayo ee Gobolka Jubbada Hoose.

    Share on Twitter Share on facebook Share on Digg Share on Stumbleupon Share on Delicious Share on Google Plus

War-saxaafadeed ka soo baxay taliska Ciidamada Maraykanka ee qaarada Afrika ee loo yaqaano (AFRICOM) ayaa lagu faah faahiyey duqeyn dhinaca cirka ah oo uu Mareykanka ka fuliyey deegaan duleedka ka ah Magalada Kismaayo ee Gobolka Jubbada Hoose.


Qoraalka Africom ayaa lagu sheegay in Ciidamada Mareykanka oo kaashanaya Saaxiibadooda Soomaaliya  ay 17-kii Bishaan oo shalay ku beegneyd ay duqeyn dhinaca cirka ah ka fuliyeen deegaan Waqooyi Galbeed ka xiga Magalada Kismaayo,halkaas oo ay ku sugnaayeen Xubno ka tirsan  Al-Shabaab.

Weerarkaas ayaa Mareykanka waxa uu sheegay inay ku dileen laba Xubnood oo ka tirsanaa Al-Shabaab,isla markaana weerarkaas ay  ku taageerayeen Ciidamada Dowladda Soomaaliya,hayeshee aysan wax ku noqon dad rayid ah.

Ugu dambeyn Warka AFRICOM ayaa lagu soo geba-gabeeyay in Mareykanka uu sii wadi doono duqeymaha uu la beegsanayo saldhigyada Al-Shabaab ilaa iyo inta Mas’uuliyadda amniga dalka ay ugu wareejinayaan Ciidamada Dowladda Soomaaliya iyo kuwa Maamul goboleedyada.

Dhinaca kale Taliska Ciidamada xoogga dalka Soomaaliyeed ayaa weerarkaas kasoo saaray war ka duwan kan Mareykanka,waxaana taliyaha Ciidamada xoogga dalka uu sheegay inay weerarkasi oo ka dhacay deegaanka Bandar-Jadiid oo u dhow Buundada Araare ay ku dileen 15 Xubnood oo ka tirsanaa Al-Shabaab halka mid ka mid ah ay nolosha kusoo qabteen.

Image




Leave a comment

  Tip

  Tip

  Tip

  Tip

  Tip