Dowladda oo Ka Hadashay inay Al-Shabaab Joojiyeen Dhismaha Garoonka Stadium Muqdisho.

0
Monday September 09, 2019 - 18:44:02 in Wararka by Wariye Qoslaaye
  • Visits: 30
  • (Rating 0.0/5 Stars) Total Votes: 0
  • 0 0
  • Share via Social Media

    Dowladda oo Ka Hadashay inay Al-Shabaab Joojiyeen Dhismaha Garoonka Stadium Muqdisho.

    Saacadihii la soo dhaafay ayaa qaar kamid ah warbaahinta gudaha waxaa ay baahiyeen warar sheegaya in Al-shabaab ay joojiyeen dhismihii iyo dayactirkii ka socday Garoonka Muqdisho Stadium oo muddooyinkii ugu dambeeyay lagu waday dib u dhis.

    Share on Twitter Share on facebook Share on Digg Share on Stumbleupon Share on Delicious Share on Google Plus

Saacadihii la soo dhaafay ayaa qaar kamid ah warbaahinta gudaha waxaa ay baahiyeen warar sheegaya in Al-shabaab ay joojiyeen dhismihii iyo dayactirkii ka socday Garoonka Muqdisho Stadium oo muddooyinkii ugu dambeeyay lagu waday dib u dhis.


Hayeeshee Dowladda Federaalka Soomaaliya ayaa beenisay wararkii la xariiray in Al-shabaab ay joojiyeen dhismihii Garoonka Muqdisho Stadium,isla markaana waxaa Maanta halkaas booqday Mas’uuliyiin ka tirsan Xukuumada Soomaaliya.

Mas’uuliyiin uu horkacayay ra’iisul wasaare ku xigeenka xukuumada Mahdi Maxamed Guuleed ayna ka mid ahaayeen Wasiirka Dhalinyarada & Cayaaraha Khadiijo Maxamed Diiriye,wasiirka Warfaafinta Maareeye & guddoomiyaha Gobolka Banaadir Cumar Filish ayaa gelinkii dambe ee maanta booqday garoonka Muqdisho Stadium.

Wasiirka Wasaaradda Warfaafinta Maxamed Cabdi Xayir Maareeye ayaa sheegay in howshii dhismaha & Dayactirka ee stadium muqdisho ay si caadi ah u socdaan,isla markaana ay been abuur tahay inay Shabaab joojiyaan,waxana uu sheegay inaysan jirin cid joojin karta.

Wasiirka Warfaafinta Maareeye ayaa uga digey Warbaahinta gaarka loo leeyahay iyo dad uu ku tilmaamay inay caadeysteen baahinta wararka been abuurka ah.

Sidoo kale Wasiirka warfaafinta ayaa sheegay in ay baaritaano ku sameyn doonaan shirkadda heysata qandaraaska dhismaha,isla markaana ay wax ka weeydiin doonaan arrimahaas.

Waxaa maanta soo baxay warar sheegayay in Al-Shabaab ay ku amreen shaqaalaha garoonka dayactirka ka waday inay joojiyaan illaa amar dambe.

Waxana warkan uu ku soo beegmay xilli in kayar 24 saacadood ay ka harsan tahay ciyaarta lugta labaad ee tartanka isreebreebka koobka adduunka ee 2022 oo xulka Soomaaliya marti u yahay xulka ZImbabwe kadib markii xulka Soomaaliya uu lugtii hore 1-0 ku badiyay.

Si kastaba dowladda Soomaaliya ayaa Muddooyinkii dambe waday qorshe dib u dayactir loogu sameeynayo Tuulada Ciyaaraha Kubadda Cagta ee Stadium Muqdisho ee ku yaalla Degmada Warta-Nabadda ee Gobolka Banaadir.

 
 




Leave a comment

  Tip

  Tip

  Tip

  Tip

  Tip