Danjiraha Cusub ee Dowladda Soomaaliya u Fadhin Doona Maraykanka oo La Magacaabay.

0
Wednesday July 17, 2019 - 09:58:04 in Wararka by Wariye Qoslaaye
  • Visits: 73
  • (Rating 0.0/5 Stars) Total Votes: 0
  • 0 0
  • Share via Social Media

    Danjiraha Cusub ee Dowladda Soomaaliya u Fadhin Doona Maraykanka oo La Magacaabay.

    Dowladda Federaalka ah ee Soomaaliya ayaa sanad kadib waxaa ay safiir Cusub u magacaawday dalka Mareykanka,xilkaas oo bannaanaa,waxana loo loo Magacaabay in uu booskaasi Buuxiyo Cali Shariif Axmed.

    Share on Twitter Share on facebook Share on Digg Share on Stumbleupon Share on Delicious Share on Google Plus

Dowladda Federaalka ah ee Soomaaliya ayaa sanad kadib waxaa ay safiir Cusub u magacaawday dalka Mareykanka,xilkaas oo bannaanaa,waxana loo loo Magacaabay in uu booskaasi Buuxiyo Cali Shariif Axmed.


Mudo sanad ah Soomaaliya wax safiir ah kuma laheyn dalka Mareykanka,kadib markii safiirkii u joogay dalkaasi mareykanka ee Axmed Ciise Cawad loo Magacaabay Wasiirka Arrimaha Dibadda Soomaaliya.

Safiirka Cuusb ee Soomaaliya u magacaawday dalka Mareykanka ee Cali Shariif Axmed ayaa horay waxaa uu u soo noqday Safiirka Soomaaliya u fadhiya dalalka Itoobiya iyo Faransiiska,waxaana haatan uu noqday Safiirka Soomaaliya u fadhin doona Mareykanka.

Wasiirka Wasaaradda Arrimaha Dibadda ee Xukuumadda Soomaaliya Axmed Ciise Cawad ayaa mudo Afar sano ah haayay xilka Safiirka Soomaaliya u fadhiya Mareykanka oo loo Magacaabay sanadkii 2015-kii.

Dhawaan ayaa la filayaa in danjire Cali Shariif Axmed uu u ambabaxo dalka Mareykanka si uu ula wareego Shaqadii safiirnimo,isla markaana uu u guto waajibaadka qaran ee loo igmaday.

Dowladda Federaalka Soomaaliya ayaa tan iyo intii ay Jirtay waxa ay safiiro u Magacaawday dalal dhowr ah,waxaana safiirada la magacaabay ugu dambeeyay Safiirka Soomaaliya u fadhiya dalka Kenya Amb, Maxamuud Axmed Nuur  (Tarsan) iyo Eng.Cabdixakiin Cabdullahi Camey oo Loo Magacaabay Safiirka Dowladda Soomaaliya ee Dalka Itoobiya.

Amb. Cali Shariif Axmed waxaana uu noqonayaa safiirkii 3aad oo muddo afar sano gudahood ay si rasmi ah dowladda Soomaaliya u magacawdo Mareykanka.




Leave a comment

  Tip

  Tip

  Tip

  Tip

  Tip