Kenya oo Joojisay Visaha Loogu Dhufanayay Baasaboorka Xildhibaanada iyo Wasiirada Somalia.

0
Tuesday May 21, 2019 - 07:44:30 in Wararka by Wariye Qoslaaye
  • Visits: 63
  • (Rating 0.0/5 Stars) Total Votes: 0
  • 0 0
  • Share via Social Media

    Kenya oo Joojisay Visaha Loogu Dhufanayay Baasaboorka Xildhibaanada iyo Wasiirada Somalia.

    Dowlada Kenya ayaa bilowday inay diido dal ku galka ama Visaha On Arrival ee Garoonka looga dhufanayay Baasaboorada ay qaataan xildhibaanada iyo wasiirada dowlada federalka iyo Maamul Goboleedyada.

    Share on Twitter Share on facebook Share on Digg Share on Stumbleupon Share on Delicious Share on Google Plus

Dowlada Kenya ayaa bilowday inay diido dal ku galka ama Visaha On Arrival ee Garoonka looga dhufanayay Baasaboorada ay qaataan xildhibaanada iyo wasiirada dowlada federalka iyo Maamul Goboleedyada.


Baasabooradan mas’uuliyiinta wata ayaa hore loo siin jirey dalku-galka marka ay ka degaan garoonka diyaaradaha magaalada Nairobi on arrival.

Mid ka mid ah wasiirada dalka Soomaaliya ayaa loo diiday inuu ka qaato dalku-galka ama viisaha garoonka diyaaradaha magaalada Nairobi.

Balse wararka ayaa waxa ay sheegayaan in wasiirka loo diiday dalkugalka uu isticmaalay baasaboor shisheeye ah oo uu watay taasoo markii dambe loo oggolaaday in uu galo magaalada Nairobi.

Go’aankan cusub ee dowlada Kenya qaadatay ayaa saameyn ku yeelan kara boqolaal mas’uuliyiin Soomaaliyeed oo hore ugaga qaadan jirey fiisaha ama dalkugalka garoomada diyaaradaha dalka Kenya.

Go’aankan cusub ee ay dowlada Kenya qaadatay ayaan jirin mas’uul ka mid ah Wasaarada Arrimaha Dibbada Soomaaliya oo ka hadlay balse waxa ay ku soo beegmeysaa iyadoo dowlada Kenya ay cadaadis xoog leh saareyso dowlada Soomaaliya.

Dhowaan ayaa dowlada Kenya waxa ay dib u soo celisay go’aankeedii hore ahaa in aysan diyaaradii ka soo duusho dalka Soomaaliya aysan toos uga soo deign magaalada Nairobi ayna soo marto magaalada Wajeer ee Waqooyi Bari Kenya.

Cadaadiskan ayaa ah mid u muuqda mid ay dowlada Kenya bilowday iyado ay soo dhowdahay natiijada laga sugaayay Maxkamada Caalamiga ah ee ku saabsan khilaafka Badda ee u dhexeeya dalalka Soomaaliya iyo Kenya.

Wasaarada arrimaha dibeda Soomaaliya ayaan illaa hadda wax war ah ka soo saarin wajiga cusub ee ay la soo baxday Kenya iyo dhibaatooyinka sii xoogeysanaya ee ay ku heyso dadka safarka ah ee Soomaaliyeed.




Leave a comment

  Tip

  Tip

  Tip

  Tip

  Tip