Abshir Bukhaari oo Si Kulul uga Hadlay Hadalkii Wasiir Goodax Baaqna u Diray Xukuumadda.

0
Friday April 19, 2019 - 16:09:21 in Wararka by Wariye Qoslaaye
  • Visits: 98
  • (Rating 0.0/5 Stars) Total Votes: 0
  • 0 0
  • Share via Social Media

    Abshir Bukhaari oo Si Kulul uga Hadlay Hadalkii Wasiir Goodax Baaqna u Diray Xukuumadda.

    Guddoomiye kuxigeenka Aqalka Sare ee Baarlamaanka Federaalka Abshir Axmed (Abshir Bukhaari) ayaa dood ka keenay hadalkii ka soo yeeray Wasiirka Waxbarashada Xukuumadda Soomaaliya C/llaahi Goodax Barre ee ku saabsanaa arrinta imtixaanka guud ee dowlad

    Share on Twitter Share on facebook Share on Digg Share on Stumbleupon Share on Delicious Share on Google Plus

Guddoomiye kuxigeenka Aqalka Sare ee Baarlamaanka Federaalka Abshir Axmed (Abshir Bukhaari) ayaa dood ka keenay hadalkii ka soo yeeray Wasiirka Waxbarashada Xukuumadda Soomaaliya C/llaahi Goodax Barre ee ku saabsanaa arrinta imtixaanka guud ee dowladda oo ay Puntland diiday inay ka qeyb gasho iyo digniin uu u diray ardayda Puntland.


Guddoomiye Abshir Bukhaari ayaa qodobo ka tirsan Dastuurka KMG u cuskaday hadalka Wasiir Goodax, isagoo ku tilmaamay warka ka soo baxay Goodax inuu ka hor imaanayo qodobka 54aad ee dastuurka.

"Ilaa iyo inta heshiis federaal ah ay ka gaarayaan Xukuumadda dhexe iyo kuwa Dowlad Goboleedyada, waxaa habboon in xukuumada Federaalku ay ka fogaato adeegsashada siyaasado aan laheyn sal sharci ah oo waxyeello gaarsiin kara nidaamka Federaalka”ayuu yiri Senator Abshir Bukhaari.

Waxaa uu ugu baaqay Wasiirka Waxbarashada inuu abbaaro arrinta Tacliinta, sida uu u furayo Dastuurka dalka, isla markaana aanay sax aheyn in Wasiirka u goodiyo wasaaradda waxbarashada ee heer Federaal inay halis u noqon karto mustaqbalka Ardayda

"Sidaa awgeed, waxaan ku boorinayaa wasiirka in uu u abbaaro arrinta tacliinta dalka sida uu Dastuurka Dalka farayo oo ah wadaxaajood iyo iskaashi ee sax ma ahan in wasiirku ku goodiyo in wasaarada waxabarashada ee heer Federal ay halis ku noqon karto mustaqbalka ardeyda, Aniga oo tixraacaya waajibka dastuuriga ee Aqalka Sare sida ku cad Qod. 71 ee Dastuurka Federaalka iyo waajibkeyga xilgudasho sida waafaqsan Qod. 61aad Faqradiisa 1,3 waxaan cadeynayaa in farriinta halkan ku lifaaqan ee wasiir Cabdulahi Godax ay ka soo horjeedo Dastuurkeena Qod. 54″ayuu yiri Guddoomiye kuxigeenka 1aad ee Aqalka Sare.

Senator Abshir Bukhaari ayaa sidoo kale yiri "Qod. 54 wuxuu xeerinayaa marka laga reebo awooda Arrimaha Dibadda, Difaaca Qaranka, Jinsiyadda iyo Socdaalka iyo Siyaasadda Lacagta, oo ay awoodeeda iyo xilkeeda yeelaneyso dowlada federaalka, in wixii ka soo hara ee awood qaybsiga siyaasadeed & dhaqaale ay wada xaajood u furan yihiin.

Ugu dambeyn waxaa uu sheegay in arrinta Tacliinta ay ka mid tahay arrimaha si gaar ah u maareysan karaan dowlad goboleedyada ama wada xaajoodka uu ka furan yahay sida ku cad qodobka 52aad ee Dastuurka, isla markaana Wasiirka Waxbarashada aanu go’aan u laheyn maareynta waxbarashada.




Leave a comment

  Tip

  Tip

  Tip

  Tip

  Tip