Madaxweynaha Cusub ee Puntland oo Loo Doortay Siciid Cabdullaahi Deni.

0
Tuesday January 08, 2019 - 11:57:11 in Wararka by
  • Visits: 60
  • (Rating 0.0/5 Stars) Total Votes: 0
  • 0 0
  • Share via Social Media

    Madaxweynaha Cusub ee Puntland oo Loo Doortay Siciid Cabdullaahi Deni.

    Siciid Cabdullahi Deni ayaa ku guuleystay codbixintii doorashada Madaxweynaha Puntland oo saaka ka dhacday xarunta Baarlamaanka Puntland ee Garowe.

    Share on Twitter Share on facebook Share on Digg Share on Stumbleupon Share on Delicious Share on Google Plus

Siciid Cabdullahi Deni ayaa ku guuleystay codbixintii doorashada Madaxweynaha Puntland oo saaka ka dhacday xarunta Baarlamaanka Puntland ee Garowe.


Wareega ugu danbeeyey ee codbixinta ayaa waxaa ku tartamay Siciid Cabdullahi Deni iyo Gen.Asad Cismaan Cabdullahi oo ahaa labadii murashax ee ugu cododka badnaa wareegii kowaad iyo labaad ee codbixinta 66ka xildhibaan.


Siciid Cabdullahi Deni ayaa helay 35 cod



Gen.Asad Cismaan Cabdullahi ayaa isaguna helay 31 cod


Siciid Cabdullahi Deni ayaa noqonaya Madaxweynaha shanta sano ee soo socota ee Puntland, isagoona horey uga mid ahaa xubnaha sida weyn loo hadal hayey inay doorashada ku guuleysan karaan.


Deni ayaa wareegii kowaad ee codbixinta helay 20 cod oo isku duuban, taasi oo muujineysay taageerada uu ka heysto Xildhibaanada, wuxuuna ahaa musharaxii kusoo xigay Gen.Asad oo wareegii koowaad helay 17 cod.


Asad Cismaan Cabdullahi oo ah murashaxa ugu da’ada yaraa ee tartanka ku jiray ayaa isagu wareegii labaad cododka hogaaminayey, isagoo helay 30 cod, halka Deni uu helay 29 cod iyo Farax Cali Shire oo wareegaas ku haray oo helay 7 cod oo kaliya. Waxaana muuqata in Deni uu taageero fiican ka helay cododkii murashax Faarax Cali Shire.


Wareegii kowaad ee codbixinta ayey ku hareen murashaxii badan oo si weyn loo hadal hayey, waxaana kamid ahaa Madaxweynaha xilka Cabdiweli Maxamed Cali Gaas iyo Murashax Maxamuud Khaliif Jabiye oo labadu kala helay 8 iyo 7 cod, murashaxiinta kale ayaa helay wareegii koowaad codad aad u yar.


Guddoomiyaha Guddiga doorashada Madaxweynaha Puntland ayaa ku dhawaaqay in Siciid Cabdullaahi Deni uu yahay Madaxweynaha Dowlad Goboleedka Puntland 5-ta Sana ee soo socota.

 



Leave a comment

  Tip

  Tip

  Tip

  Tip

  Tip