Madaxda Soomaaliya, Itoobiya iyo Eritrea oo Yeelanaya Wajigii 2-aad ee shir Saddex Geesood Ah.

0
Thursday November 08, 2018 - 20:36:10 in Wararka by Wariye Qoslaaye
  • Visits: 41
  • (Rating 0.0/5 Stars) Total Votes: 0
  • 0 0
  • Share via Social Media

    Madaxda Soomaaliya, Itoobiya iyo Eritrea oo Yeelanaya Wajigii 2-aad ee shir Saddex Geesood Ah.

    Madaxweynaha dowlada federaalka Soomaaliya, Maxamed C/llaahi Farmaajo ayaa lagu wadaa inuu Berri oo Jimce ah u ambabaxo Magaalada Gondar ee Dalka Itoobiya.

    Share on Twitter Share on facebook Share on Digg Share on Stumbleupon Share on Delicious Share on Google Plus

Madaxweynaha dowlada federaalka Soomaaliya, Maxamed C/llaahi Farmaajo ayaa lagu wadaa inuu Berri oo Jimce ah u ambabaxo Magaalada Gondar ee Dalka Itoobiya.


Farmaajo ayaa halkaasi kaga qayb geli doona Shir Saddex geesood ah oo uu halkaasi kula yeelanayo Ra’asul wasaaraha Itoobiya, Abiy Axmed iyo Madaxweynaha Eretrea Isaias Afwerki, sida uu warbaahinta u sheegay Agaasimaha Warfaafinta ee Madaxtooyada Soomaaliya, C/nuur Maxamed Axmed.

Kulankan ayaa waxa uu isku xirayaa natiijooyinkii ka soo baxay heshiiska Shirkii is-dhex galka dhaqaalaha ee ay dalalka gobolku ku yeesheen Magaalada Asmara ee dalka Eretrea labo Bilood ka hor.

Shirkan ayaa ah wajigii labaad shirka iskaashiga dhaqaalaha Geeska Afrika, kaasoo daba socda heshiiskii bishii September ee sanadkan ay Asmara ku kala saxiixdeen Madaxda dalalka Itoobiya, Eritrea iyo Soomaaliya.

Tan iyo markii uu is bedelka ka dhacay Gobolka Geeska Afrika iyo heshiiska lagu soo afjaray colaadii u dhaxeysay dalalka Itoobiya iyo Eritrea ayaa Soomaaliya waxay qeyb ka noqotay xulafada labadaas dal oo ay gadaal ka taagan yihiin Isbaheysiga Sucuudiga iyo Imaaraadka Carabta.




Leave a comment

  Tip

  Tip

  Tip

  Tip

  Tip