Qorshe Lagu Xoojinayo Amniga Xarumaha Degmooyinka oo Ka Bilowday Muqdisho.

0
Tuesday September 11, 2018 - 14:27:27 in Wararka by Wariye Qoslaaye
  • Visits: 51
  • (Rating 0.0/5 Stars) Total Votes: 0
  • 0 0
  • Share via Social Media

    Qorshe Lagu Xoojinayo Amniga Xarumaha Degmooyinka oo Ka Bilowday Muqdisho.

    Dowladda Somalia ayaa xoojisay Amniga xarumaha degmooyinka gobolka Banaadir ka dib markii kooxda Al-Shabaab ay bilowday qorshe ay ku beegsaneyso xarumahan

    Share on Twitter Share on facebook Share on Digg Share on Stumbleupon Share on Delicious Share on Google Plus

Dowladda Somalia ayaa xoojisay Amniga xarumaha degmooyinka gobolka Banaadir ka dib markii kooxda Al-Shabaab ay bilowday qorshe ay ku beegsaneyso xarumahan


Xarumaha degmooyinka oo ay ku yaallaan xaafadaha dadka rayidka degan yihiin ayaa waddooyinka jid-cadayaasha loo yaqaano ee mara xarunta degmada lagu xiray dhagxaan iyo carro.

Ciidamo hor leh oo Booliska ka tirsan ayaa la geeyay xarumaha, oo lagu xoojiyay ammaankeeda, iyagoo la geliyay feejignaan sare oo ay kula soconayaan dhaq dhaqaaqyada xeyndaabka degmada.

Al-Shabaab ayaa u muuqda in weerarada ay u weeciyeen xarumaha degmooyinka oo ay ku howlgalaan maamulada degmooyinka, isla markaana loogu adeego shacabka.

Dadkii adeegyada u tagayay xarumaha degmooyinka ayaa hoos u dhacay, iyagoo oo ka cabsi qaba inay dhibaato ka soo gaarto weerarada Al-Shabaab ku qaadayaan xarumaha degmooyinka.

Weerarkii ugu dambeeyay ee shalay ee xarunta degmada Hodan oo lagu weeraray gaari waxyaabaha qarxa laga soo buuxiyay ayaa waxaa ku geeriyooday ugu yaraan todobo ruux, halka tiro intaa kale ku dhaawacmeen.

Al-shabaab oo looga bartay in weerarada ay geysanayaan ay mar walba yeeshaan wejiyo cusub ayaa u muuqata iney markan beegsaneyso xarumaha degmooyinka Muqdisho oo amaankoodu ka jilicsan yahay xarumaha kale ee dowlada.




Leave a comment

  Tip

  Tip

  Tip

  Tip

  Tip