Ku simaha Madaxweynaha oo Si Rasmi ah u Daah Furay Shirweynaha Qaran ee Dastuurka -Sawirro

0
Sunday May 13, 2018 - 19:09:32 in Wararka by Wariye Qoslaaye
  • Visits: 106
  • (Rating 0.0/5 Stars) Total Votes: 0
  • 0 0
  • Share via Social Media

    Ku simaha Madaxweynaha oo Si Rasmi ah u Daah Furay Shirweynaha Qaran ee Dastuurka -Sawirro

    Waxaa maanta magaalada Muqdisho ka furmay Shir-weynaha Qaran ee Dastuurka ee taariikhiga ah oo ay ka qaybgalayaan in kabadan 350 qof oo isaga kala yimid gobolada iyo dalka dibadiisa.

    Share on Twitter Share on facebook Share on Digg Share on Stumbleupon Share on Delicious Share on Google Plus

Waxaa maanta magaalada Muqdisho ka furmay Shir-weynaha Qaran ee Dastuurka ee taariikhiga ah oo ay ka qaybgalayaan in kabadan 350 qof oo isaga kala yimid gobolada iyo dalka dibadiisa.

Shirka masuuliyiintii ka soo qaybgashay waxaa kamid ahaa Ku-Simaha Madaxweynaha ahna Gudoomiyaha Golaha Shacabka, Gudoomiyaha Aqalka Sare, Ra’iisul Wasaaraha XFS, Ergeyga Midowga Afrika u qaabilsan Soomaaliya, Danjirayaal, Gudoomiyayaasha Baarlamaanada Dowlad Goboleedyada iyo Wasiiro iyo Xildhibaano katirsan Dowaladda Federaalka iyo Dawlad Goboleedyda.

Wasiir Cabdiraxmaan Xoosh Jibriil oo khudbad ka jeediyay Shir-weynaha ayaa sheegay in maanta ay tahay maalin taariikhi ah.


"Mudanayaal iyo Marwooyin, Wasaaradda aan hogaamiyo waxay bahwadaag la noqotay Guddiyada Qaran iyo Wasaaradaha Dowlad Goboleedyada ee ay shaqo wadaagayihiin, waxaan kulamo wadatashiyo ah oo badan la qaadanay dhamaan qaybaha kala duwan ee bulshada. Muddo sanad ah oo qaban-qaabo ah kadib, waxaa maanta noo suurtagashay inaan Shir-weynahan qabano, waa mid taariikhi ah; waa maalin taariikhi oo wadada u xaareysa dhameeystirka Dastuurka iyo xoojinta Sareynta Sharciga”. Ayuu yiri Wasiir Avv Cabdi Xoosh.

Sidoo kale, Gudoomiyaha Gudigga Baarlamaanka iyo Ku-Simaha Gudoomiyaha Gudigga Madaxabanaan ee u xilsaaran dib-u-eegista Dastuurka ayaa iyagana si wadajir ah u sheegeen inay ku faraxsanyihiin qabsoomidda Shir-weynaha Qaran islamarkaana ay xoojin doonaan wadashaqeynta ay Wasaaradda la leeyihiin.

Dhinaca Kale, Ra’iisul Wasaaraha XFS Mudane Xasan Cali Kheeyre ayaa sheegay in Xukuumadda ay ka go’antahay dhameeystirka Dastuurka. Dhankiisa Gudoomiyaha Aqalka Sare Mudane Cabdi Xaashi ayaa tilmaamay in Shir-weynahan uu bilow u yahay Ololaha Dib-u-eegista Dastuurka oo muddo sanad ah socon doona, islamarkaana uu muhiim u yahay dadka Soomaaliyeed.

Ugu dambayn, Ku-Simaha Madaxweynaha ahna Gudoomiyaha Golaha Shacabka Mudane Maxamed Mursal Sheekh ayaa si rasmi ah u furay Shir-weynaha Qaran ee Dastuurka oo muddo seddex maalin ah socon doona.

Shirkaan oo si gaar ah dhinacyada ka qeyb galaya ay diirada saari doonaan dib u eegista iyo turxaan bixinta Dastuurka KMG ah ayaa sida qorshuhu uu yahay socon doona 13-ka ilaa 15-ka bishaan May.


-----DHAMAAD-----

DSC 9617

DSC 9713

DSC 9666

DSC 9742

DSC 9715

DSC 9741

DSC 9697

DSC 9651

DSC 9634



Leave a comment

  Tip

  Tip

  Tip

  Tip

  Tip