Qaar Ka Mid ah Golaha Wasiirada Federaalka oo Soo Bandhigay Waxqabadkoodii-Sawirro

0
Sunday December 03, 2017 - 20:59:21 in Wararka by Wariye Qoslaaye
  • Visits: 73
  • (Rating 0.0/5 Stars) Total Votes: 0
  • 0 0
  • Share via Social Media

    Qaar Ka Mid ah Golaha Wasiirada Federaalka oo Soo Bandhigay Waxqabadkoodii-Sawirro

    Iyadoo maalmihii la soo dhaafay aad loo hadal hayay mooshin ka dhan gollaha xukuumadda ee Ra'iisul Wasaaraha Xukuumadda Federaalka ah ee Soomaaliya Mudane Xasan Cali Khayre, ayaa magaaladda Muqdisho waxaa lagu qabtay Munaasabad lagu soo bandhiga

    Share on Twitter Share on facebook Share on Digg Share on Stumbleupon Share on Delicious Share on Google Plus

Iyadoo maalmihii la soo dhaafay aad loo hadal hayay mooshin ka dhan gollaha xukuumadda ee Ra'iisul Wasaaraha Xukuumadda Federaalka ah ee Soomaaliya Mudane Xasan Cali Khayre, ayaa magaaladda Muqdisho waxaa lagu qabtay Munaasabad lagu soo bandhigayey Waxqabadka Xukuumadda iyo qorshaha Geeddi socodka hannaanka dawladnimada.

Munaasabadda ayaa waxaa ka soo qeybgalay ra’isul wasaare Xasan cali khayre , Wasiirro ka tirsan Xukuumadda, Xildhibaano, bulshada rayidka, oday dhaqameedyada, haweenka iyo bulsho weynta Soomaaliyeed.

Ra’iisul Wasaaraha iyo xubnaha Golaha Wasiirada ayaa si toos ah halkaasi ugu soo bandhigay wax-yaabihii u qabsoomay mudadii ay shaqeynayeen iyo qorshaha u dagsan dhowrka sano ee soo socda. Waxana wasiiradii goobta ka hadlay ay soo bandhigeen waxyaabihii u qabsoomay.

Wasiirka Qorshaynta iyo iskaashiga caalamiga ah Mudane Jamaal Maxamed Xasan oo munaasabadda ka hadlay ayaa sheegay markii ugu horeysay in dalka gudihiisa lagu saxiixay heshiisyo horumarineed oo ay ku baxayso malaayiin dollar, lacagtaas oo bixinayaan dawlado Soomaaliya ka taageera dhinaca horumarka oo ugu danbeysay midkii qadar, dhowaana ay heshiis kale oo horumarka dalka wax looga qabanayo la saxiixan doonaan hay’adda USID heshiiskaas oo ku kacaya lacag dhan (300,000,000 USD) saddex boqol oo Milyan oo dollar.

Wasiirka Maaliyadda Mudane Cabdiraxmaan Ducaale Bayle ayaa dhankiisa sheegay in wasaaraddu ay sameysay siyaasad hufan oo dhinaca maareynta maaliyadda ah, isla markaana uu kordhay dakhliga dawladda iyo canshuuraha, taasoo sahashay in sideedii bilood ee la soo dhaafay ay si joogto ah mushaarkooda u helaan shaqaalaha rayidka ah ee dawladda ayna jirinna wax dayn ah oo looga leeyahay gudaha dalka.

Wasiirka Gadiidka iyo Duulista Hawada Mudane Maxamed Cabdullaahi Salaad (Oomaar) ayaa tilmaamay in dhawaan ay la soo wareegayaan hawada Soomaaliya, uuna gabagabo marayo qalabkii loo baahnaa si hawada ay ula soo wareegaan.

Wasiirka Amniga Gudaha Mudane Maxamed Abuukar Islow (Ducaale) ayaa xusay in horumar laga gaaray dhinaca amniga, isla markaana la xaqiijiyey ammaanka caasimadda, lana qabtay xubno mihiim ah oo kamid ah shabaab, Isla markaana uu heer fiican marayo qorshaha amniga iyo xasilloonda guud ee dalka.




Leave a comment

  Tip

  Tip

  Tip

  Tip

  Tip